ಪ್ರಜಾಸ್ತ್ರ ಲೈಫ್ ಸ್ಟೈಲ್
ಭಾರತ ಸೇರಿದಂತೆ ಅನೇಕ ದೇಶಗಳಲ್ಲಿ ಮದುವೆ ಅಂದರೆ ಏಕ ಪತಿ, ಪತ್ನಿ ಅನ್ನೋದು ಇದೆ. ಕೆಲವು ಧಾರ್ಮಿಕ, ಸಮುದಾಯಗಳಲ್ಲಿ ಬಹುಪತ್ನಿತ್ವ, ಬಹುಪತಿತ್ವ ಇದೆ. ಆದರೆ, ಬಹುಪತ್ನಿತ್ವಕ್ಕೆ ಅವಕಾಶವಿಲ್ಲದ ಬ್ರೆಜಿಲ್ ನಲ್ಲಿ ಮಾಡೆಲ್ ವೊಬ್ಬ ಬರೋಬ್ಬರಿ 9 ಮಂದಿಯನ್ನು ಮದುವೆಯಾಗಿದ್ದಾನೆ.
ಸಾವೋಪೌಲೋದ ಅರ್ಥರ್ ಓ ಊರ್ಸೊ ಅನ್ನೋ ಮಾಡೆಲ್ 9 ಮಂದಿಯನ್ನು ಮದುವೆಯಾಗಿ ಸುದ್ದಿಯಾಗಿದ್ದಾನೆ. ಪ್ರೀತಿ ಯಾವಾಗಲೂ ಮುಕ್ತವಾಗಿರಬೇಕು ಅನ್ನೋ ನಂಬಿಕೆ ಹೊಂದಿರುವ ಊರ್ಸೊ 9 ಮಡದಿಯರ ಗಂಡ. ಇದರಲ್ಲಿ ಒಬ್ಬಳು ಡಿವೋರ್ಸ್ ಕೊಡಲು ಮುಂದಾಗಿದ್ದಾಳೆ. ಇದರಿಂದ ಅವನಿಗೆ ಬೇಸರವಾಗಿದೆಯಂತೆ.
ಲುವಾನಾ ಕಜಾಕಿ ಅನ್ನೋ ಮೊದಲು ಮದುವೆಯಾಗಿದ್ದಾನೆ. ಮುಕ್ತ ಪ್ರೀತಿ ಹಾಗೂ ಏಕಪತ್ನಿ ಪದ್ಧತಿ ವಿರುದ್ಧ ಕಳೆದ ವರ್ಷ 8 ಮಂದಿಯನ್ನು ಮದುವೆಯಾಗಿದ್ದ. ಇದರಲ್ಲಿ ಅಗಾತಾ ಅನ್ನೋ ಪತ್ನಿ ವಿಚ್ಛೇದನ ಕೇಳಿದ್ದಾಳೆ. ಇತರೆ ಪತ್ನಿಯರೊಂದಿಗೆ ಗಂಡನನ್ನು ಹಂಚಿಕೊಳ್ಳಲು ಇಷ್ಟಪಡದ ಅಗಾತಾ ಈ ನಿರ್ಧಾರಕ್ಕೆ ಬಂದಿದ್ದಾಳೆ. ಇದಕ್ಕೆ ಊರ್ಸೊ ಬೇಸರವಾಗಿದೆ ಎಂದಿದ್ದಾನೆ. ಆದರೆ, ಆ ಸ್ಥಾನವನ್ನು ಮತ್ತೊಬ್ಬರು ತುಂಬುತ್ತಾರೆ ಎನ್ನುತ್ತಾನೆ ಭೂಪ.
ಹೀಗೆ 9 ಮಂದಿಯನ್ನು ಊರ್ಸೊ ಮದುವೆಯಾಗಿದ್ದರೂ ಬ್ರೆಜಿಲ್ ಕಾನೂನು ಪ್ರಕಾರ ಸಿಂಧುತ್ವ ಪಡೆಯಲ್ಲ. ಇಲ್ಲಿನ ಕಾನೂನು ಪ್ರಕಾರ ಬಹುಪತ್ನಿತ್ವಕ್ಕೆ ಮಾನ್ಯತೆಯಿಲ್ಲ. ಆದರೆ, ಮದುವೆಯಾಗಿ ಒಟ್ಟಿಗೆ ಇರಲು ಯುವತಿಯರೆ ಒಪ್ಪಿದರೆ ಯಾರೂ ಏನು ಮಾಡಲು ಸಾಧ್ಯವಿಲ್ಲ.