ಪ್ರಜಾಸ್ತ್ರ ಲೈಫ್ ಸ್ಟೈಲ್
ಜೀನ್ಸ್ ಪ್ಯಾಂಟ್ ಬೆಲೆ ನೂರಾರು ರೂಪಾಯಿಯಿಂದ ಸಾವಿರಾರು ರೂಪಾಯಿ ತನಕ ಇರುತ್ತವೆ. ವಿಐಪಿ, ವಿವಿಐಪಿಗಳು ಬ್ಯಾಂಡ್ ಜೀನ್ಸ್ ಪ್ಯಾಂಟ್ ಹಾಕಿದರೂ ಲಕ್ಷ ತನಕ ಬರುವುದಿಲ್ಲ. ಆದರೆ, ಇಲ್ಲೊಂದು ಜೀನ್ಸ್ ಪ್ಯಾಂಟ್ ಬರೋಬ್ಬರಿ 94 ಲಕ್ಷ ರೂಪಾಯಿ ಮಾರಾಟವಾಗಿದೆ.
ಈ ಜೀನ್ಸ್ ಪ್ಯಾಂಟ್ ವಿಶ್ವದ ಅತ್ಯಂತ ಹಳೆಯ ಪ್ಯಾಂಟ್ ಅಂತೆ. 1857ರಲ್ಲಿ ಮುಳುಗಿದ ಹಡಗಿನಲ್ಲಿ ಇದು ಪತ್ತೆಯಾಗಿದೆ. ಅಮೆರಿಕಾದ ಉತ್ತರ ಕೆರೊಲಿನಾ ರಾಜ್ಯದಲ್ಲಿ ಪತ್ತೆಯಾದ ಹಡಗಿನ ಅವಶೇಷದಲ್ಲಿ ಬಿಳಿ ಮೈನರ್ಸ್ ಬಣ್ಣದ 5 ಬಟನ್ ಗಳಿರುವ ಜೀನ್ಸ್ ಪ್ಯಾಂಟ್ ಪತ್ತೆಯಾಗಿದೆ.
ಸ್ಯಾನ್ ಫ್ರಾನ್ಸಿಸ್ಕೋದಿಂದ ಪನಾಮ ಮೂಲಕ ನ್ಯೂಯಾರ್ಕ್ ಗೆ ತೆರಳುತ್ತಿದ್ದ ಹಡಗು ಸೆಪ್ಟೆಂಬರ್ 12, 1857ರಲ್ಲಿ ಚಂಡಮಾರುತಕ್ಕೆ ಸಿಕ್ಕು ಮುಳುಗಿತು. ಆ ಹಡಗಿನ ಅವಶೇಷದಲ್ಲಿ ಸಿಕ್ಕಿ ಜೀನ್ಸ್ ಪ್ಯಾಂಟ್ ಹರಾಜಿನಲ್ಲಿ 94 ಲಕ್ಷ ರೂಪಾಯಿಗೆ ಮಾರಾಟವಾಗಿದೆ.
ಲೆವಿ ಸ್ಟ್ರಾಸ್ & ಕಂ ಈ ಜೀನ್ಸ್ ತಯಾರಿಸಿರಬಹುದು ಎನ್ನಲಾಗುತ್ತಿದೆ. ಆದರೆ, ಲೆವಿ ಸ್ಟ್ರಾಸ್ ಕಂಪನಿ ಜೀನ್ಸ್ ತಯಾರಿಸಿದ್ದು 1873ರಲ್ಲಿ. ಈ ಕಂಪನಿ ಮೊದಲು ಒಣ ವಸ್ತುಗಳ ದೊಡ್ಡ ಸಗಟು ವ್ಯಾಪಾರ ನಡೆಸಿತಿತ್ತು. ಇದು ಮೊದಲ ಆವೃತ್ತಿಯ ಜೀನ್ಸ್ ಆಗಿರಬಹುದು ಎನ್ನಲಾಗುತ್ತಿದೆ. ಆದರೆ, ಇದೆಲ್ಲ ಊಹಾಪೋಹ ಅನ್ನೋದು ಕಂಪನಿಗೆ ಸಂಬಂಧಿಸಿದವರ ಮಾತು.