ನವದೆಹಲಿ(New Delhi): ಆಪ್ ರಾಜ್ಯಸಭಾ ಸದಸ್ಯ ರಾಘವ್ ಛಡ್ಡಾ ಸೇರಿದಂತೆ 7 ಸಂಸದರು ಬಿಜೆಪಿ ಸೇರ್ಪಡೆಯಾಗಿದ್ದಾರೆ. ಈ ಬಗ್ಗೆ ಶುಕ್ರವಾರ ಮಾಧ್ಯಮಗೋಷ್ಠಿ ನಡೆಸಿ ಮಾತನಾಡಿದ ರಾಘವ್ ಛಡ್ಡಾ, ಆಪ್ ನ 10 ರಾಜ್ಯಸಭಾ ಸದಸ್ಯರಲ್ಲಿ 7 ಸದಸ್ಯರು ಬಿಜೆಪಿ ಸೇರಿದ್ದೇವೆ. ಈ ಕುರಿತು ಸಭಾಪತಿ ಸಿ.ಪಿ ರಾಧಾಕೃಷ್ಣನ್ ಅವರಿಗೆ ಪತ್ರ ಸಲ್ಲಿಸಿದ್ದೇವೆ. ಅಗತ್ಯವಿರುವ ಎಲ್ಲ ದಾಖಲೆಗಳನ್ನು ಸಲ್ಲಿಸುತ್ತಿದ್ದೇವೆ ಎಂದರು.
ಸ್ವಾತಿ ಮಾಲಿವಾಲ್, ವಿಕ್ರಮ್ ಸಾಹ್ನಿ, ಹರಭಜನ್ ಸಿಂಗ್, ಅಶೋಕ್ ಮಿತ್ತಲ್, ರಾಜೇಂದ್ರ ಗುಪ್ತಾ, ಸಂದೀಪ್ ಪಾಠಕ್ ಸೇರಿ 7 ಸಂಸದರು ಬಿಜೆಪಿ ಸೇರಿರುವುದಾಗಿ ತಿಳಿಸಿದ್ದಾರೆ. ರಾಜ್ಯಸಭಾ ಉಪ ನಾಯಕ ಸ್ಥಾನದಿಂದ ರಾಘವ್ ಛಡ್ಡಾ ಅವರನ್ನು ಇತ್ತೀಚೆಗಷ್ಟೇ ಆಪ್ ಕೆಳಗೆ ಇಳಿಸಿತ್ತು. ಇದೀಗ ಇಷ್ಟೊಂದು ರಾಜಕೀಯ ಬೆಳವಣಿಗೆಗಳು ನಡೆದಿವೆ.
