ಮುಂಬೈ: ಡೆಡ್ಲಿ ಕರೋನಾಗೆ ದೇಶದಲ್ಲಿ ಮತ್ತೊಬ್ಬರು ಸಾವನ್ಪಪ್ಪಿದ್ದಾರೆ. 65 ವರ್ಷದ ವ್ಯಕ್ತಿಯೊಬ್ಬರು ಸಾವನ್ನಪ್ಪಿದ್ದಾರೆ. ಸೌದಿ ಪ್ರವಾಸ ಮುಗಿಸಿಕೊಂಡು ವಾಪಸ್ ಬಂದಿದ್ರು. ಕರೋನಾ ಸೋಂಕು ಇರುವುದು ಪಕ್ಕಾ ಆಗಿತ್ತು. ಹೀಗಾಗಿ ಚಿಕಿತ್ಸೆ ನೀಡಲಾಗ್ತಿತ್ತು. ಆದ್ರೆ, ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾರೆ.
ಈ ಸಾವಿನಿಂದಾಗಿ ಮುಂಬೈನಲ್ಲಿ ಕರೋನಾಗೆ ಬಲಿಯಾದ ಸಂಖ್ಯೆ 3ಕ್ಕೆ ಏರಿದೆ. ದೇಶದಲ್ಲಿ 11ಕ್ಕೇರಿದೆ. ಈ ಮೂಲಕ ದೇಶದಲ್ಲಿ ಸಾಕಷ್ಟು ಆತಂಕದ ವಾತಾವರಣ ನಿರ್ಮಾಣವಾಗಿದೆ. ದಿನದಿಂದ ದಿನಕ್ಕೆ ಸೋಂಕಿತರ ಸಂಖ್ಯೆ, ಶಂಕಿತರ ಸಂಖ್ಯೆ, ಸಾವಿನ ಸಂಖ್ಯೆ ಏರಿಕೆಯಾಗ್ತಿದೆ. ಹೀಗಾಗಿ ಇಡೀ ದೇಶ ಲಾಕ್ ಡೌನ್ ಸ್ಥಿತಿಯಲ್ಲಿದೆ. ಹೀಗಾಗಿ ಯಾರೂ ಹೊರ ಬರದೆ ಮನೆಯಲ್ಲಿ ಇರಿ.
