ಪ್ರಜಾಸ್ತ್ರ ಸುದ್ದಿ
ಸಿಂದಗಿ: ಗ್ರಾಮಸ್ಥರು ನೀಡಿದ ಮಾಹಿತಿ ಮೇರೆಗೆ ಬಗಲೂರು ಗ್ರಾಮದಿಂದ 2 ಕಿಲೋ ಮೀಟರ್ ದೂರದಲ್ಲಿ 4 ಕಡೆ ದಾಳಿ ಮಾಡಿ, 1,300 ಬ್ರಾಸ್ ಮರಳು ವಶಕ್ಕೆ ಪಡೆಯಲಾಗಿದೆ ಎಂದು ಇಂಡಿ ಡಿವೈಎಸ್ಪಿ ಶ್ರೀಧರ ದಡ್ಡಿ ಅವರು ಹೇಳಿದ್ದಾರೆ.
ಈ ಸಂಬಂಧ ಮಾಧ್ಯಮಗೋಷ್ಠಿ ನಡೆಸಿ ಮಾತ್ನಾಡಿದ ಅವರು, ನಮ್ಮ ಪೊಲೀಸ್ ತಂಡ ದಾಳಿ ಮಾಡಿ, ಬಗಲೂರಿನ ಸರ್ವೇ ನಂಬರ್ 28 ಹಾಗೂ 154ರ ಜಾಗದಲ್ಲಿ ಸಂಗ್ರಹಿಸಿಟ್ಟಿದ್ದ ಸುಮಾರು 30 ಲಕ್ಷ ಮೌಲ್ಯದ 1,300 ಬ್ರಾಸ್ ಮರಳು ವಶಕ್ಕೆ ಪಡೆಯಲಾಗಿದೆ. ಈ ಪ್ರಕರಣ ಸಂಬಂಧ ರಾಜು ಕುರನಳ್ಳಿ, ಸಿದ್ರಾಮಪ್ಪ ಹಾಗೂ ದೇವನಗೌಡ ಕಿರಣಗಿ ಎಂಬುವರ ವಿರುದ್ಧ ಎಫ್ಐಆರ್ ದಾಖಲಾಗಿದೆ ಎಂದರು. ಈ ವೇಳೆ ಸಿಪಿಐ ಹೆಚ್.ಎಂ ಪಾಟೀಲ ಹಾಜರಿದ್ದರು.
