ಪ್ರಜಾಸ್ತ್ರ ಅಪರಾಧ ಸುದ್ದಿ
ವಿಜಯಪುರ: ಐಪಿಎಲ್ ಟೂರ್ನಿ ಶುರುವಾದ್ರೆ ಸಾಕು ಬೆಟ್ಟಿಂಗ್ ದಂಧೆ ಜೋರಾಗುತ್ತೆ. ಹೀಗಾಗಿ ಆಗಾಗ ಪೊಲೀಸರು ಕಾರ್ಯಾಚರಣೆ ನಡೆಸಿ ಬಂಧಿಸುತ್ತಲೇ ಇರ್ತಾರೆ. ಗುಮ್ಮಟನಗರಿಯಲ್ಲಿ ಕಾರಿನಲ್ಲಿ ಕುಳಿತುಕೊಂಡು ಬೆಟ್ಟಿಂಗ್ ನಡೆಸ್ತಿದ್ದ ಮೂವರನ್ನ ಬಂಧಿಸಲಾಗಿದೆ.
ನಗರದ ಸಿಂದಗಿ ನಾಕಾ ಬಳಿ ಪೊಲೀಸರ ದಾಳಿ ನಡೆಸಿ, ಸಚಿನ ಪವಾರ, ದೀಲಿಪ ಬಿರಂಗಿ ಹಾಗೂ ಜಾವೇದ ಹಸನ ಸಾಹಬ ಅನ್ನೋ ಮೂವರನ್ನ ಬಂಧಿಸಲಾಗಿದೆ. ಇನ್ನು ಬಂಧಿತ ಆರೋಪಿಗಳಿಂದ 64,900 ರುಪಾಯಿ ನಗದು, 11 ಮೊಬೈಲ್, ಒಂದು ಡಸ್ಟರ್ ಕಾರ್, ಒಂದು ಲ್ಯಾಪ್ಟಾಪ್ ಜಪ್ತಿ ಮಾಡಲಾಗಿದೆ. ಈ ಸಂಬಂಧ ಗೋಳಗುಂಬಜ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.