ಪ್ರಜಾಸ್ತ್ರ ಸಿನಿಮಾ ಡೆಸ್ಕ್
ರಾಮನಗರ: ಲವ್ ಯೂ ರಚ್ಚು ಚಿತ್ರದ ಶೂಟಿಂಗ್ ವೇಳೆ ದುರಂತವೊಂದು ಸಂಭವಿಸಿದ್ದು, ಫೈಟರ್ ವೊಬ್ಬರು ಸಾವನ್ನಪ್ಪಿದ್ದಾರೆ. 28 ವರ್ಷದ ಸಹಾಯಕ ಫೈಟರ್ ವಿವೇಕ ಎನ್ನುವರು ವಿದ್ಯುತ್ ತಗುಲಿ ಮೃತಪಟ್ಟಿದ್ದಾರೆ.
ಜೋಗನದೊಡ್ಡಿ ಬಳಿಯಲ್ಲಿ ಈ ಒಂದು ಘಟನೆ ನಡೆದಿದೆ. ಘಟನೆ ಸಂಬಂಧ ನಿರ್ದೇಶಕ ಆರ್.ಶಂಕರ, ಸ್ಟಂಟ್ ಮಾಸ್ಟರ್ ಸೇರಿ ನಾಲ್ವರನ್ನ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಘಟನಾ ಸ್ಥಳಕ್ಕೆ ಡಿವೈಎಸ್ಪಿ ಮೋಹನ ಕುಮಾರ, ಪಿಎಸ್ಐ ಪ್ರಕಾಶ ಭೇಟಿ ನೀಡಿದ್ದಾರೆ.
ಇನ್ನು ಈ ಬಗ್ಗೆ ಮಾತ್ನಾಡಿರುವ ಈ ಚಿತ್ರದ ನಟ ಅಜಯ ರಾವ್, ಬೇಜವಾಬ್ದಾರಿಯಿಂದ ದುರಂತ ಸಂಭವಿಸಿದೆ. ಹೈಟೆನ್ಷನ್ ವಿದ್ಯುತ್ ತಂತಿಗೆ ಮೆಟಲ್ ರೋಪ್ ಬಳಸಿ ಶೂಟಿಂಗ್ ಮಾಡಲಾಗಿದೆ. ಈ ಬಗ್ಗೆ ಕಳೆದ 5 ದಿನಗಳ ಹಿಂದೆ ನಾನು ಪ್ರಶ್ನಿಸಿ ಕಟ್ಟವನಾಗಿದ್ದೇನೆ. ಮುಂಜಾಗ್ರತ ಕ್ರಮ ಕೈಗೊಳ್ಳದ ಪರಿಣಾಮ ಅಮಾಯಕ ಸಾವನ್ನಪ್ಪಿದ್ದಾನೆ ಎಂದು ನಟ ಅಜಯ ರಾವ್ ಕಿಡಿ ಕಾರಿದ್ದಾರೆ.
ಲವ್ ಯು ರಚ್ಚು ಚಿತ್ರದಲ್ಲಿ ನಟ ಅಜಯ ರಾವ್ ಗೆ ಜೋಡಿಯಾಗಿ ನಟಿ ರಕ್ಷಿತಾ ರಾಮ್ ಕಾಣಿಸಿಕೊಂಡಿದ್ದಾರೆ.
