ಪ್ರಜಾಸ್ತ್ರ ಸಿನಿಮಾ ಡೆಸ್ಕ್
ನಿರ್ದೇಶಕ, ನಟ ರಿಷಬ್ ಶೆಟ್ಟಿ ತಮ್ಮ ಹೊಸ ಚಿತ್ರದ ಪೋಸ್ಟರ್ ರಿಲೀಸ್ ಮಾಡಿದ್ದಾರೆ. ಈ ಬಗ್ಗೆ ಟ್ವೀಟ್ ಮಾಡಿರುವ ಅವರು, ಬಹಳ ಸಮಯದ ನಂತರ ಹೊಸ ಕಿಚ್ಚಿನೊಂದಿಗೆ ಮತ್ತೆ ನಿರ್ದೇಶಕನಾಗಿ ಕಥೆ ಹೇಳಲು ಬರುತ್ತಿದ್ದೇನೆ ಎಂದಿದ್ದಾರೆ.
‘ಕಾಂತಾರ’ ಅನ್ನೋ ಹೊಸ ಚಿತ್ರ ಅನೌನ್ಸ್ ಮಾಡಿದ್ದಾರೆ. ವಿಜಯ ಕಿರಗಂದೂರ ಈ ಚಿತ್ರವನ್ನ ನಿರ್ಮಾಣ ಮಾಡುತ್ತಿದ್ದಾರೆ. ಹೊಂಬಾಳೆ ಬ್ಯಾನರ್ ಅಡಿಯಲ್ಲಿ ಚಿತ್ರ ತಯಾರಾಗುತ್ತಿದೆ. ನಿಗಿನಿಗಿ ಸುಡುವ ಬೆಂಕಿ, ದಟ್ಟ ಕಾಡು, ಅದರೊಳಗಿಂದ ಕಂಬಳ ಓಡಿಸುವ ಯುವಕ, ದೈವದ ಕಾಲುಗಳು ಇರುವಂತೆ ಇರುವ ಪೋಸ್ಟರ್ ವೊಂದು ಕುತೂಹಲ ಮೂಡಿಸಿದೆ.
