ನವದೆಹಲಿ: ಪಶ್ಚಿಮ ಬಂಗಾಳ ಹಾಗೂ ಒಡಿಶಾದಲ್ಲಿ ಅಂಫನ್ ಚಂಡಮಾರುತ ಅನಾಹುತ ಸೃಷ್ಟಿಸಿದೆ. ಈಗಾಗ್ಲೇ ಬಂಗಾಳದಲ್ಲಿ 70 ಮಂದಿ, ಒಡಿಶಾದಲ್ಲಿ 6 ಮಂದಿ ಸಾವನ್ನಪ್ಪಿದ್ದಾರೆ. ಈಗಾಗ್ಲೇ ಕರೋನಾದಿಂದ ನಿದ್ದೆಗೆಟ್ಟಿರುವ ಜನಕ್ಕೆ ಅಂಫನ್ ಗಾಯದ ಮೇಲೆ ಬರೆ ಎಳೆದಂತೆ ಮಾಡಿದೆ.
ಹೀಗಾಗಿ ಪ್ರಧಾನಿ ಮೋದಿ, ಅಂಫನ್ ಪೀಡಿತ ಪ್ರದೇಶಗಳ ವೈಮಾನಿಕ ಸಮೀಕ್ಷೆಗೆ ಸಿದ್ಧರಾಗಿದ್ದು, ಬಂಗಾಳಕ್ಕೆ ತೆರಳಿದ್ದಾರೆ ಎಂದು ವರದಿಯಾಗಿದೆ. ಈಗಾಗ್ಲೇ ಬಂಗಾಳದಲ್ಲಿ 20 ಹಾಗೂ ಒಡಿಶಾದಲ್ಲಿ 19 ಎನ್ ಡಿಆರ್ ಎಫ್ ತಂಡ ಕಾರ್ಯಾಚರಣೆ ನಡೆಸಿವೆ. ಬಂಗಾಳಕ್ಕೆ ಹೆಚ್ಚುವರಿ ಇನ್ನು 4 ತಂಡಗಳನ್ನ ಕಳುಹಿಸಲು ನಿರ್ಧರಿಸಲಾಗಿದೆಯಂತೆ.
1 ಕೋಟಿ ಜನರ ಬದುಕಿಗೆ ಕೊಳ್ಳಿ:
ಅಂಫನ್ ಚಂಡಮಾರುತ ಗಂಟೆಗೆ 190-200 ಕಿಲೋ ಮೀಟರ್ ವೇಗದಲ್ಲಿ ಬೀಸುತ್ತೆ. ಅಲ್ದೇ, ಅಬ್ಬರದ ಮಳೆಯಾಗುತ್ತೆ. ಸಮುದ್ರದಲ್ಲಿನ ಅಲೆಗಳು ಅಪಾಯದ ಮಟ್ಟದಲ್ಲಿ ಏರಿ ಸುತ್ತಲಿನ ಪ್ರದೇಶಗಳಿಗೆ ಹಾನಿ ಮಾಡುತ್ತೆ. ಇದ್ರಿಂದಾಗಿ ಬಂಗಾಳ ಹಾಗೂ ಒಡಿಶಾದಲ್ಲಿ 1 ಕೋಟಿ ಜನರ ಬದುಕು ಹೈರಾಣಾಗಿದೆ.
