ಪ್ರಜಾಸ್ತ್ರ ಸುದ್ದಿ
ಸಿಂದಗಿ: ವಿಜಯಪುರ ಜಿಲ್ಲೆ ಸಿಂದಗಿ ತಾಲೂಕಿನಲ್ಲಿ ಮತ್ತೆ 12 ಜನರಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಅವರನ್ನ ಈಗಾಗ್ಲೇ ವಿಜಯಪುರ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. ಕೆರುಟಗಿ ಎಲ್ ಟಿ ಗ್ರಾಮದಲ್ಲಿ 10 ಹಾಗೂ ಬೆಕಿನಾಳದಲ್ಲಿ 2 ಕೋವಿಡ್ 19 ಸೋಂಕು ದೃಢಪಟ್ಟಿವೆ. ನಿನ್ನೆ ಈ ಬಗ್ಗೆ ವರದಿ ಬಂದಿದ್ದು, ಈ 12 ವರದಿಗಳು ಇಂದು ಸಂಜೆ ಬರುವ ಹೆಲ್ತ್ ಬುಲೆಟಿನ್ ನಲ್ಲಿ ದಾಖಲಾಗಲಿವೆ.
ಇನ್ನು ಇದುವರೆಗೂ ತಾಲೂಕಿನಲ್ಲಿ 42 ಜನರಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಇದರಲ್ಲಿ 30 ಜನರು ಗುಣಮುಖರಾಗಿದ್ದಾರೆ. ಈ ಎಲ್ಲ ಪ್ರಕರಣಗಳು ಮಹಾರಾಷ್ಟ್ರದ ಪ್ರಯಾಣದ ಹಿನ್ನೆಲೆ ಹೊಂದಿವೆ. ಇದರ ನಡವೆ ಆತಂಕದ ಸಂಗತಿ ಅಂದ್ರೆ, ಸೋಂಕು ಕಾಣಿಸಿಕೊಂಡ ಬಹುತೇಕ ರೋಗಿಗಳಲ್ಲಿ ಕರೋನಾ ಲಕ್ಷಣಗಳೇ ಇಲ್ಲದಿರುವುದು.
ಸಾರ್ವಜನಿಕರು ಈ ಬಗ್ಗೆ ಎಚ್ಚರಿಕೆಯಿಂದ ಇರುವುದು ಒಳ್ಳೆಯದು. ಕರೋನಾ ಅಂದ್ರೆ ಭಯ ಪಡುವುದಲ್ಲ. ಹಾಗಂತ ಅದನ್ನ ನಿರ್ಲಕ್ಷ್ಯ ಮಾಡಿ ಬೇಕಾಬಿಟ್ಟಿಯಾಗಿ ತಿರುಗಾಡುವುದು, ಜನರೊಂದಿಗೆ ಬೆರೆಯುವುದು ಮಾಡುವುದಲ್ಲ. ಸಾಮಾಜಿಕ ಅಂತರ, ಮಾಸ್ಕ್, ಸ್ಯಾನಟೈಸರ್ ಬಳಕೆ ಸದಾ ಮಾಡುವ ಮೂಲಕ ಕೋವಿಡ್ 19 ಸೋಂಕಿನಿಂದ ದೂರ ಇರಬೇಕಿದೆ.
