ಬೆಂಗಳೂರು: ಲಾಕ್ ಡೌನ್ ಉಲ್ಲಂಘನೆಗೆ ಸಂಬಂಧಿಸಿದಂತೆ ನಗರ ಪೊಲೀಸ್ರು ಇದುವರೆಗೂ 47 ಸಾವಿರಕ್ಕೂ ಹೆಚ್ಚು ವಾಹನಗಳನ್ನ ಸೀಜ್ ಮಾಡಿದ್ದಾರೆ. ಇವುಗಳನ್ನ ಮರಳಿ ಕೊಡುವ ಬಗ್ಗೆ ನಗರ ಪೊಲೀಸ್ ಆಯುಕ್ತ ಭಾಸ್ಕರ ರಾವ್ ಟ್ವೀಟ್ ಮಾಡಿದ್ದಾರೆ.
ಮೇ 1 ರಿಂದ ವಾಹನಗಳನ್ನ ಮಾಲೀಕರಿಗೆ ಮರಳಿ ಕೊಡುವ ನಿರ್ಧಾರ ಮಾಡಲಾಗಿದೆ. ಮೊದಲು ಸೀಜ್ ಆದ ಗಾಡಿಗಳನ್ನ, ದಾಖಲೆಗಳನ್ನ ಪರಿಶೀಲನೆ ಮಾಡಿ ನೀಡಲಾಗುತ್ತೆ ಎಂದು ಟ್ವೀಟ್ ಮೂಲಕ ತಿಳಿಸಿದ್ದಾರೆ.
ವಶಪಡಿಸಿಕೊಂಡಿರುವ ವಾಹನಗಳನ್ನ ಮಾಲೀಕರಿಗೆ ನೀಡಲು ಸಿಎಂ ಹಾಗೂ ಗೃಹ ಸಚಿವರು ಅನುಮೋದನೆ ನೀಡಿದ್ದು, ನಾಳೆಯಿಂದ ಮಾಲೀಕರಿಗೆ ಅವರ ವಾಹನ ನೀಡಲಾಗುವುದು ಎಂದಿದ್ದಾರೆ. 44,081 ಬೈಕ್ ಹಾಗೂ 1,168 ಆಟೋಗಳು ಸೇರಿ 47, 258 ವಾಹನಗಳನ್ನ ಸೀಜ್ ಮಾಡಲಾಗಿದೆ.