ಪ್ರಜಾಸ್ತ್ರ ಸುದ್ದಿ
ನವದೆಹಲಿ: ಲೋಕಸಭೆ-2024ರ ಚುನಾವಣೆಯಲ್ಲಿ ಇಂಡಿಯಾ ಮೈತ್ರಿಕೂಟದ ಭಾಗವಾಗಿರುವ ಆಪ್ ಹಾಗೂ ಕಾಂಗ್ರೆಸ್ ನಡುವೆ ಸೀಟು ಹಂಚಿಕೆ ಅಂತಿಮವಾಗಿದೆ. ಉಭಯ ಪಕ್ಷಗಳ ನಾಯಕರು ಮಾಧ್ಯಮಗೋಷ್ಠಿ ನಡೆಸಿ ಸೀಟು ಹಂಚಿಕೆ ಕುರಿತು ಅಧಿಕೃತವಾಗಿ ಘೋಷಣೆ ಮಾಡಿದ್ದಾರೆ.
ದೆಹಲಿಯ ಏಳು ಲೋಕಸಭಾ ಕ್ಷೇತ್ರಗಳಲ್ಲಿ 4 ಆಮ್ ಆದ್ಮಿ ಪಕ್ಷ ಹಾಗೂ ಕಾಂಗ್ರೆಸ್ 3 ಕ್ಷೇತ್ರಗಳಲ್ಲಿ ಸ್ಪರ್ಧಿಸಲಿವೆ. ಇನ್ನು ಗುಜರಾತ್ ನಲ್ಲಿರುವ 26 ಕ್ಷೇತ್ರಗಳಲ್ಲಿ 24 ಸೀಟು ಕಾಂಗ್ರೆಸ್, 2 ಸೀಟು ಆಪ್ ನಡುವೆ ಹಂಚಿಕೆಯಾಗಿದೆ.
ಇನ್ನು ಹರಿಯಾಣದ 10 ಕ್ಷೇತ್ರಗಳಲ್ಲಿ 9ರಲ್ಲಿ ಕಾಂಗ್ರೆಸ್, 1ರಲ್ಲಿ ಆಪ್. ಗೋವಾದಲ್ಲಿ ಕಾಂಗ್ರೆಸ್ 2, ಚಂಡೀಗಢದಲ್ಲಿ 1 ಕ್ಷೇತ್ರಗಳಲ್ಲಿ ಕಾಂಗ್ರೆಸ್ ಸ್ಪರ್ಧೆ ಮಾಡಲಿದೆ. ಈ ಮೂಲಕ ಇಂಡಿಯಾ ಭಾಗವಾಗಿ ಕಾಂಗ್ರೆಸ್, ಆಪ್ ಜೊತೆಯಾಗಿ ಸಾಗುವುದಾಗಿ ತಿಳಿಸಲಾಗಿದೆ.
