ಪ್ರಜಾಸ್ತ್ರ ಸುದ್ದಿ
ಕುನೋ: ದಕ್ಷಿಣ ಆಫ್ರಿಕಾದಿಂದ ಭಾರತಕ್ಕೆ ತರಲಾಗಿದ್ದ ಚೀತಾಗಳಲ್ಲಿ ಇದೀಗ ಮತ್ತೊಂದು ಚೀತಾ ಮೃತಪಟ್ಟಿದೆ. ಉದಯ ಅನ್ನೋ ಚೀತಾ ಭಾನುವಾರ ಸಂಜೆ ಸಾವನ್ನಪ್ಪಿದೆ. ಈ ಮೂಲಕ ಎರಡು ಚೀತಾಗಳು ಮೃತಪಟ್ಟಿವೆ.
ಮಧ್ಯಪ್ರದೇಶದ ಕುನೋ ರಾಷ್ಟ್ರೀಯ ಉದ್ಯಾನವನಕ್ಕೆ ಕಳೆದ ಸೆಪ್ಟೆಂಬರ್ 17ರಂದು ಮೊದಲ ಹಂತದಲ್ಲಿ 3 ಚೀತಾಗಳನ್ನು ತರಲಾಗಿದೆ. ದಕ್ಷಿಣ ಆಫ್ರಿಕಾದೊಂದಿಗೆ ಈ ಹಿಂದೆ 12 ಚೀತಾಗಳ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಅದರಂತೆ ನಮಿಬೀಯಾದಿಂದ ತಂದ ಚೀತಾಗಳಲ್ಲಿ 2 ಚೀತಾಗಳು ಮೃತಪಟ್ಟಿರುವುದು ಆತಂಕಕ್ಕೆ ಕಾರಣವಾಗಿದೆ.
ಕಳೆದ ತಿಂಗಳು ಸಾಶಾ ಅನ್ನೋ ಚಿರತೆ ಮೃತಪಟ್ಟಿದ್ದರೆ, ಭಾನುವಾರ ಸಂಜೆ ಉದಯ ಅನ್ನೋ ಚಿರತೆ ಮೃತಪಟ್ಟಿದೆ. ಸಾಶಾ ಸಾವಿಗೆ ಕಿಡ್ನಿ ಸಮಸ್ಯೆ ಎಂದು ತಿಳಿದು ಬಂದಿತ್ತು. ಆದರೆ, ಉದಯ ಸಾವಿಗೆ ನಿಖರವಾದ ಕಾರಣ ತಿಳಿದು ಬಂದಿಲ್ಲ.
