ಪ್ರಜಾಸ್ತ್ರ ಸುದ್ದಿ
ಸಿರಿಯಾ: ತೀವ್ರ ಭೂಕಂಪನದಿಂದಾಗಿ ಸಾವಿರಾರು ಜನರ ಸಾವು ನೋವಿನಿಂದ ನರಳುತ್ತಿರುವ ಸಿರಿಯಾ ಮೇಲೆ ಇಸ್ರೇಲ್ ಕ್ಷಿಪಣಿ ದಾಳಿ ನಡೆಸಿದೆ. ಈ ಮೂಲಕ ಮತ್ತಷ್ಟು ಜನರ ಜೀವ ತೆಗೆದಿದೆ. ಸಧ್ಯದ ವರದಿ ಪ್ರಕಾರ 15ಕ್ಕೂ ಹೆಚ್ಚು ಜನರು ಪ್ರಾಣ ಕಳೆದುಕೊಂಡಿದ್ದಾರೆ.
ಡಮಾಸ್ಕಸ್ ಕೌಫ್ರಾ ನೌಸಾ ಹೊರವಲಯದಲ್ಲಿರುವ ವಸತಿ ಕಟ್ಟಡದ ಮೇಲೆ ವೈಮಾನಿಕ ದಾಳಿ ನಡೆಸಲಾಗಿದೆ. ಇದರಿಂದಾಗಿ ಹಲವು ಕಟ್ಟಡಗಳು ಹಾನಿಗೊಳಗಾಗಿವೆ. 2011ರಿಂದ ಸಿರಿಯಾ ಹಾಗೂ ಇಸ್ರೇಲ್ ನಡುವೆ ವೈಮಾನಿಕ ದಾಳಿ ನಡೆಯುತ್ತಲೇ ಇದೆ. ಸಿರಿಯಾ ತೀವ್ರ ಸಂಕಷ್ಟದಲ್ಲಿರುವ ಹೊತ್ತಿನಲ್ಲಿ ಇಸ್ರೇಲ್ ತನ್ನ ಆಟ ನಡೆಸಿದೆ.
