ಸಿಂದಗಿ: ಪಟ್ಟಣದ 23 ವಾರ್ಡ್ ಗಳಿಗೆ ಇಂದು ಮತದಾನ ನಡೆದಿದೆ. ಒಟ್ಟು 31 ಸಾವಿರದ 365 ವೋಟರ್ಸ್ ಇದ್ದಾರೆ. ಇದರಲ್ಲಿ 21 ಸಾವಿರದ 556 ಮಂದಿ ಇಂದು ಮತದಾನ ಮಾಡಿದ್ದಾರೆ. ಈ ಮೂಲಕ ಒಟ್ಟು ಶೇಕಡ 68.73ರಷ್ಟು ವೋಟಿಂಗ್ ಆಗಿದೆ.
31 ಮತಗಟ್ಟೆಯಲ್ಲಿ ಭರ್ಜರಿಯಾಗಿ ಮತದಾನ ನಡೆದಿದ್ದು, ಮತದಾರರು ಉತ್ಸಾಹದಿಂದ ತಮ್ಮ ಹಕ್ಕು ಚಲಾಯಿಸಿದ್ದಾರೆ. ಕಾಂಗ್ರೆಸ್ 19, ಜೆಡಿಎಸ್ 23, ಬಿಜೆಪಿ 20, ಬಿಎಸ್ಪಿ 6 ಹಾಗೂ ಪಕ್ಷೇತರರು 16 ಮಂದಿ ಸ್ಪರ್ಧಿಸಿದ್ದು, ಒಟ್ಟು 84 ಮಂದಿ ಸ್ಪರ್ಧಿಗಳು ಕಣದಲ್ಲಿದ್ದಾರೆ. ‘ಪ್ರಜಾಸ್ತ್ರ’ ನಡೆಸಿದ ಮತದಾನೋತ್ತರ ಸಮೀಕ್ಷೆ ಇಲ್ಲಿದೆ.
| ಕ್ರಮ ಸಂಖ್ಯೆ | ಪಕ್ಷ | ಗೆಲ್ಲುವ ಸ್ಥಾನ |
| 01 | ಕಾಂಗ್ರೆಸ್ | 08-09 |
| 02 | ಜೆಡಿಎಸ್ | 09-10 |
| 03 | ಬಿಜೆಪಿ | 01-02 |
| 04 | ಬಿಎಸ್ಪಿ | 00-01 |
| 05 | ಪಕ್ಷೇತರರು | 02-03 |
ಇದು ಪ್ರಜಾಸ್ತ್ರ ನಡೆಸಿದ ಮತದಾನೋತ್ತರ ಸಮೀಕ್ಷೆಯಾಗಿದ್ದು, ಈ ಬಾರಿಯೂ ಅತಂತ್ರ ಸ್ಥಿತಿ ನಿರ್ಮಾಣವಾಗುವುದು ಸ್ಪಷ್ಟವಾಗಿದೆ. ಚುನಾವಣೋತ್ತರ ಹಾಗೂ ಮತದಾನೋತ್ತರ ಸಮೀಕ್ಷೆ ಏನೇ ಇರ್ಲಿ, ಫೆಬ್ರವರಿ 11 ರಂದು ಬರುವ ಫಲಿತಾಂಶ ಅಂತಿಮವಾಗಿದ್ದು, ಯಾರಿಗೆ ಗೆಲುವಿನ ಸಿಹಿ, ಯಾರಿಗೆ ಸೋಲಿನ ಕಹಿ ಅನ್ನೋದು ತಿಳಿಯಲಿದೆ.
